By मनुसन बाहिरिने बेलामा पानी पार्ने प्रणाली पुनः सक्रिय देखिएको छ। जल तथा मौसम विज्ञान विभाग, मौसम पूर्वानुमान महाशाखाका अनुसार नेपालमा मनसुनी वायुको प्रभाव केही कमजोर देखिएको छ।
तर बंगालको खाडिमा विकसित भएको न्यूनचापीय प्रणाली भारतको ओडिसाबाट जमिनको भू–भागमा प्रवेश गरी मध्य भारततर्फ क्रमशः सर्ने देखिएको छ।
उक्त वर्षा गराउने प्रणालीको कारणले नेपालमा जलवाष्पयुक्त मनसुनी वायु प्रवेश गर्ने सम्भावना देखिएको छ।
यो नयाँ मनसुनी प्रणालीको प्रभावले असोज १७ (एकादशी) का दिनबाट देशको खास गरी कोशी, मधेश, बागमती, गण्डकी र लुम्बिनी प्रदेशसम्म वर्षा हुने सम्भावना देखिएको छ।
नेपालमा यस वर्षको दसैं अवधिभर मनसुनी वायुको प्रभाव रहिरहने पनि महाशाखाले जनाएको छ।